एकीकृत समाजवादीको महाधिवेशन काठमाडौँमा सुरू, एमाले अनुपस्थित

काठमाडौँ। नेकपा एकीकृत समाजवादीको महाधिवेशन काठमाडौँमा सुरु भएको छ।

काठमाडौँको कमलादीस्थित नेपाल प्रज्ञा प्रतिष्ठानको सभाहलमा सुरु भएको महाधिवेशनको अध्यक्ष माधवकुमार नेपालले उद्घाटन गरेका छन्।

महाधिवेशनमा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, सीके राउत, उपेन्द्र यादव, रवि लामिछाने लगायत पुगेका छन्।

यता प्रमुख सत्तारुढ दल नेकपा एमालेबाट भने कुनै पनि नेता उपस्थित भएका छैनन्। आज असार १६ देखि २० गतेसम्म काठमाडौँमा आयोजना हुने महाधिवेशनका लागि ७७ जिल्ला र विभिन्न संगठनबाट १ हजार ८०० प्रतिनिधि छानिएका छन्।