बढ्यो सुनको मूल्य, कतिमा हुँदैछ कारोबार?

काठमाडौँ।  नेपाली बजारमा सुनको भाउ निरन्तर रूपले उकालो लागिरहेको छ। सुनको मूल्यले असार ३० गतेदखि लगातार ऐतिहासिक रेकर्ड राख्दै आएको हो।

आज छापावाला सुन प्रतितोला १ लाख ४९ हजार ८०० रूपैयाँ कायम भएको छ। हिजो (मंगलबार) छापावाला सुनको भाउ प्रतितोला १ लाख ४७ हजार ८०० रूपैयाँमा कारोबार भएको थियो। आज सुन प्रतितोला २ हजार रुपैयाँले बढेको हो।

नेपाल सुन चाँदी व्यवसायी महासंघका अनुसार आज प्रतितोला तेजाबी सुन तोलामा १ लाख ४९ हजार १०० रूपैयाँमा कारोबार भइरहेको छ। आज चाँदी १ हजार ८९५ रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।