सुदूरपश्चिम प्रदेशका मुख्यमन्त्री शाहले आज शपथ लिँदै

काठमाडौँ। सुदूरपश्चिम प्रदेशका मुख्यमन्त्री कमलबहादुर शाहले आज (सोमबार)पद तथा गोपनीयताको शपथ लिदैँछन्। शाहले आज अपराह्न ४ बजेपछि शपथ ग्रहण गर्ने उनको सचिवालयले जनाएको छ।

दोस्रोपटक मुख्यमन्त्री बनेका शाहको सोमबार नै मन्त्रिपरिषद्लाई पनि पूर्णता दिने तयारी रहेको छ। मन्त्रीहरूलाई पनि मुख्यमन्त्रीसँगै शपथ गराउने तयारी छ।

सात सदस्यीय मन्त्रिपरिषदमा कांग्रेसलाई मुख्यमन्त्रीसहित तीन, एमालेलाई ३ र नागरिक उन्मुक्ति पार्टीलाई एउटा मन्त्रालय दिनेगरी गरिएको छ।