विपद् व्यवस्थापनमा केन्द्रित हुन तीनै तहका सरकारलाई रास्वपाको ध्यानाकर्षण

काठमाडौँ। राष्ट्रिय स्वतन्त्र पार्टीले राष्ट्रिय स्वतन्त्र पार्टीले विपद् व्यवस्थापन, उपभोक्ता अधिकार र हवाई भाडादरलगायत विषयमा एकैपटक ३ वटै तहका सरकारको ध्यानाकर्षण गराएको छ।

रास्वपाको उद्योग तथा वाणिज्य विभाग प्रमुख गणेश पराजुलीको नेतृत्वमा सङ्घीय सरकारका गृह, भौतिक पूर्वाधार तथा यातायात, उद्योग वाणिज्य तथा आपूर्ति, संस्कृति, पर्यटन तथा नागरिक उड्डयन मन्त्रालय, ७ वटै प्रदेशका मुख्यमन्त्री र सबै स्थानीय सरकारलाई ध्यानाकर्षण पत्र बुझाइएको हो।

ध्यानाकर्षण पत्रमा बाढी, पहिरो र डुबानका कारण ज्यान गुमाउनेको परिवारलाई राहत, बेपत्ताको खोजी, घाइतेको उपचारको उचित प्रबन्ध मिलाउन तीनै तहका सरकारसँग आग्रह गरिएको छ।

घरबार विहीनलाई सहज अस्थायी बसोबास र खानपिनको व्यवस्था, अवरूद्ध सडक सकेसम्म छिटो सञ्चालन वा वैकल्पिक सडकको व्यवस्थापनलगायत विषयमा तीनै तहका सरकारको ध्यानाकर्षण गराइएको रास्वपाले जनाएको छ।