रवि लामिछानेलाई न्यायिक हिरासतमा पठाइयो

काठमाडौँ। राष्ट्रिय स्वतन्त्र पार्टी (रास्वपा) का सभापति रवि लामिछानेलाई न्यायिक हिरासतमा पठाइएको छ।

सहारा चितवन सहकारी ठगीको अभियोगमा आज थुनछेक बहस नसकिएपछि लामिछानेलाई हिरासतमा पठाइएको हो। बुधबार न्यायाधीश दयाराम ढकालको इजलासले उनलाई प्रहरीको जिम्मा लगाउने आदेश गरेको हो।

चितवनमा सञ्चालित साहारा चितवन बहुउद्देश्यीय सहकारी संस्थाको रकम अपचलनमा संलग्न रहेको आरोपमा रवि लामिछानेसहित १५ जनालाई प्रतिवादी बनाएर मंगलबार मुद्दा दायर भएको थियो। मुद्दा दायर भएपछि लामिछाने बुधबार अदालत उपस्थित भएका थिए।

साहारा चितवन सहकारीबाट ३८ करोड ९ लाख रूपैयाँ ठगी गरेको आरोप छ। जसमा गोरखा मिडियामा मात्र १० करोड ८० लाख १८ हजार १५१ रूपैयाँ अपचलन भएको अनुसन्धानबाट देखिएको प्रहरीको भनाई छ।