आज साउनको पहिलो दिन पशुपतिमा बिहानैदेखि भीड

काठमाडौँ। श्रावण महिनाको पहिलो दिन श्रावण सङ्क्रान्तिको अवसरमा काठमाडौँस्थित पशुपतिनाथ मन्दिरमा भक्तजनहरूको बिहानबाटै बाक्लो भीड लागेको छ।

भगवान शिवको आराधनाका लागि विशेष मानिने यस महिनामा भक्तजनहरू हरियो चुरा, माला लगाउने, मेहँन्दी लगाउने र व्रत बस्ने परम्परा पालना गर्दै पशुपतिनाथमा पूजा अर्चना गर्न पुग्छन्। श्रावणको सुरूवातसँगै मन्दिर परिसर श्रद्धालुहरूको भीडले भरिएको छ।