सामसङ प्लाजाले भैँसेपाटीमा सञ्चालन गर्यो १४औँ सोरुम

काठमाडौँ। सामसङ प्लाजाले भैँसेपाटी, ललितपुरमा आफ्नो १४औँ नयाँ शोरूम सञ्चालनमा ल्याएको छ। आज अर्थात असोज ६ गते (सोमबार) एक समारोहबीच सामसङ नेपालका प्रबन्ध निर्देशक इन सु किम र गोल्छा समूहका प्रबन्ध निर्देशक शेखर गोल्छाले संयुक्त रूपमा सोरुमको उद्घाटन गरेका हुन्।

नयाँ सोरुममार्फत भैँसेपाटी तथा आसपासका उपभोक्ताले प्रामाणिक सामसङ उत्पादनहरू – नवीनतम स्मार्टफोन, टेलिभिजन, घरायसी उपकरणसहितका अत्याधुनिक इलेक्ट्रोनिक सामग्री पाउनेछन्।

कम्पनीले यस विस्तारलाई आफ्नो ग्राहकसम्म विश्वस्तरीय प्रविधि र उत्कृष्ट सेवा अझ नजिक पुर्‍याउने महत्त्वपूर्ण कदमका रूपमा लिएको छ।

उद्घाटन अवसरमा सामसङ प्रतिनिधिले भैँसेपाटीमा सोरुम विस्तारले ग्राहक पहुँचलाई सहज बनाउन र प्रविधिलाई हरेक नेपाली माझ पुर्याउन सहयोग गर्ने बताए।

सोरुममा आउने ग्राहकहरूले विशेष उद्घाटन अफर, आधुनिक खरिद वातावरण र तालिम प्राप्त कर्मचारीबाट विशेषज्ञ मार्गदर्शन पाउने व्यवस्था गरिएको कम्पनीले जनाएको छ।