सामाजिक सुरक्षा परिचयपत्र नवीकरण गर्न असोज मसान्त अन्तिम म्याद

काठमाडौँ। सरकारले सामाजिक सुरक्षा परिचयपत्र नवीकरणका लागि समयाअवधि थप गरेको छ।

यसअघि सामाजिक सुरक्षा परिचयपत्र भदौ मसान्तभित्र नवीकरण गरिसक्नुपर्ने व्यवस्था रहेकामा त्यसलाई संशोधन गरी समयावधि बढाएर असोज मसान्त कायम गरिएको हो।

सामाजिक सुरक्षा (तेस्रो संशोधन) नियमावली, २०८२ मार्फत् सरकारले यस्तो व्यवस्था ल्याएको हो। संशोधित नियमावली राजपत्रमा प्रकाशित भइसकेको छ।

“सामाजिक सुरक्षा नियमावली, २०७६ को नियम ९ को उपनियम (१०) मा रहेका भदौ मसान्तभित्र भन्ने शब्दहरूको सट्टा असोज मसान्तभित्र भन्ने शब्दहरू राखिएका छन्”, राजपत्रमा प्रकाशित सूचनामा उल्लेख छ।