विद्युत् चुहावट हुँदा बुढानीलकण्ठमा आगलागी

काठमाडौँ । काठमाडौँको बुढानीलकण्ठ नगरपालिका–१३ चुनीखेलमा लागेको आगलागीबाट भएको क्षतिको विवरण सङ्कलनकार्य सुरु गरिएको छ ।

गएराति करिब ११ बजे विद्युत् सर्ट हुँदा चुनीखेल बस्तीमा रहेका दुईवटा जस्ताको टहरामा आगलागी भएको र ३ घण्टापछि आज बिहान उक्त आगलागी नियन्त्रणमा आएको जिल्ला प्रहरी परिसर काठमाडौँले जनाएको छ ।

प्रहरीका अनुसार विद्युत् सर्ट हुँदा आगलागी भएको र राति नै मानवीयलगायतको उद्धार गरिएकाे थियो, बिहानबाट क्षतिको विवरण सङ्कलनकार्य सुरु भएको प्रहरी जनाएको छ ।

यसैगरी आगलागी भएको ठाउँबाट ७ जनाको उद्दार गरिएको र मानवीय क्षति नभएको प्रहरीले जनाएको छ ।