Kedar Adhikari

३० फागुन, काठमाडौं । पहाडी भू-भागमा आज पनि मौसम आंशिक रुपमा बदली भएको छ । पश्चिमी न्यून चापीय प्रणालीको आंशिक प्रभावले मौसम आंशिक रुपमा बदली भएको हो । जसकारण पहाडी क्षेत्रका केही ठाउँमा हिमपातको सम्भावना रहेको मौसम पूर्वानुमान महाशाखाले जनाएको छ । महाशाखाका अनुसार कोशी, गण्डकी, कर्णाली र सुदूरपश्चिम प्रदेशको उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ । बिहीबार भने सुदूरपश्चिम र कर्णाली प्रदेश लगायत गण्डकी प्रदेशको  पहाडी भू-भागका एक-दुई स्थानमा हिमपातसहित छिटपुटदेखि हल्का वर्षाको पनि सम्भावना रहेको छ । हिमपातको सम्भावना शुक्रबारसम्मै छ ।

२० असार, काठमाडौं । राष्ट्रपति विद्यादेवी भण्डारीसँग भेटवार्ता गर्न प्रधानमन्त्री केपी शर्मा ओली राष्ट्रपति कार्यालय शीतल निवास पुगेका छन् । यद्यपि यो नियमित भेटघाट मात्र भएको प्रधानमन्त्रीको निजी सचिवालयले जनाएको छ । स्रोतका अनुसार प्रधानमन्त्री ओलीले साँझ ७ बजे मन्त्रीहरुलाई बालुवाटार बोलाएका छन् । मिटिङका लागि भन्दै बोलाइएको हो । यद्यपि यो मन्त्रिपरिषद् वा अरु मिटिङको प्रष्ट भएको छैन । Onlinekhabar.com

नयाँबस्ति : बाराको कोल्हवी नगरपालिका ८ नयाँबस्ति बुद्धनगरमा निर्माण हुन लागेको पक्कि सडकको शुक्रबार नगर प्रमुख भरतवहादुर भण्डारीले शिलान्यास गर्नुभएको छ । नगरको १५ लाख वडाको ३५ लाख गरी कुल ५० लाख रुपैयाँ लागतमा निर्माण हुन लागेको उक्त सडक निर्माणपछि नयाँबस्तिका स्थानीयलाई सहज हुनेछ । वडा भित्रका सबै सडक पक्कि बनाउने लक्ष्य अनुसार काम भइरहेको र आर्थिक वर्ष ०७६।७७ को विनियोजित बजेट अनुसार सडक ढलानको कार्य शुरु गरिएको वडा अध्यक्ष सार्थक पौडेलले बताउनुभयो । स्थानीय उपभोक्ता समिति मार्फत गुणस्तरीय निर्माणमा वडाको जोड रहेको अध्यक्ष पौडेलले बताउनुभयो ।

असार, डोटी । कैलाली जिल्लाको धनगढीमा दुई युवतीले विष सेवन गरी आत्महत्या गरेका छन् । धनगढी उपमहानगरपालिका–७, बेलीको जंगलमा शनिबार दिउँसो करिव १२ बजे मृत अवस्थामा फेला परेका दुवै जनाको विष सेवनबाट मृत्यु भएको प्रहरीले पुष्टि गरेको छ । आत्महत्या गर्नेमा उपमहानगरपालिका–७ बेली बस्ने १९ वर्षीया गोमा बिक र कैलालीकै चुरे गाउँपालिका घर भई हाल बेलीमा दिदीको घरमा बस्दै आएकी २३ वर्षीया करिश्मा राउत रहेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक बिष्टले जानकारी दिए । बिष्टका अनुसार राउत केही दिनदेखि गोमाको घरमा बस्दै आएकी थिइन् । उनीहरू