कोरोना भाइरस महामारी संकट झनै बढ्ने विश्व स्वास्थ्य संगठनको चेतावनी

काठमाडौं, ३० असार । कोरोनाभाइरस महामारीको संकट झनै बढ्ने विश्व स्वास्थ्य संगठनको चेतावनी ले सबै राष्ट्रहरुले स्वास्थ्य सुरक्षाका आधारभूत नियमहरुको पालना नगरेमा कोरोनाभाइरस महामारीको संकट झनै खराब भएर जाने सक्ने चेतावनी दिएको छ ।

‘मलाई सोझो भन्न दिनुहोस्, धेरै देशहरु गलत दिशातिर अघि बढिरहेका छन्, भाइरस अझै पनि आमजनताका लागि १ नम्बरकै दुश्मनको रुपमा रहिरहेको छ,’ विश्व स्वास्थ्य संगठनका डाइरेक्टर जनरल टेड्रोस अधनोम घेबे्रससले जेनेभास्थित मुख्यालयबाट एउटा भर्चुअल प्रेस व्रिफिङमा भनेका छन् ।

‘आधारभूत कुराहरुलाई पालना गरिएन भने, एउटै मात्र कुरा के हो भने यो महामारी जारी रहनेछ, यो झनै खराब र खराब बन्दै जानेछ । तर यो यस किसिमले हुनुहुँदैन,’ उनले भनेका छन् ।

‘धेरै नै मुलुकहरु गलत दिशातिर अघि बढिरहेका छन् र विश्वव्यापी रुपमा संक्रमितको संख्या १ करोड ३० लाख नजिक पुगिसकेको छ,’ उनले चेतावनी दिँदै भनेका छन् ।

उनले ‘तत्कालै पहिलेको स्थितिमा फर्कन सकिने अवस्था देखानपरिसकेको’ बताउँदै भनेका छन्, ‘तर रोगलाई नियन्त्रण गरेर हामी हाम्रो जीवनलाई अघि बढाउन सकिने बाटाहरु छन् ।’

‘हामीले हाम्रा जनजीवनलाई पूर्णतः बन्द नगरिकनै वा एउटा लकडाउनदेखि अर्को लकडाउनसम्म नघिस्रिकन पनि यो भाइरसमाथि पर्याप्त मात्रामा नियन्त्रण गर्दै एउटा धान्न सकिने अवस्थामा पुग्नु जरुरी छ,’ उनले भनेका छन् ।

त्यो स्थितिमा पुग्नका लागि हामीलाई तीनवटा कुराहरुको आवश्यकता पर्दछ,’ उनले भनेका छन्, ‘मृत्युदरलाई घटाउने कुरामा केन्द्रीत हुने र संक्रमण दरमा कमी ल्याउने समग्र समुदायलाई जोगाउने गरी आफ्नै खालका उपायहरु अपनाउने बलियो र सक्रिय समुदायको निर्माणस र बलियो सरकारी नेतृत्व र सूसुचित गर्ने कुरा ।’

‘यो गर्न सकिन्छ र गरिनै पर्छ,’ टेड्रोसले भनेका छन् ।

उनका अनुसार, यो महामारीलाई नियन्त्रण गर्न कुनै छोटो तरिका उपलब्ध छैन, यो स्थितिमा हामीले प्रभावकारी खोपको अपेक्षा गरिरहेकै बेला हामीले अहिले उपलब्ध विधि र उपायहरुको प्रयोग गरेर संक्रमणदरलाई दबाउन तथा जीवनको रक्षा गर्नु जरुरी छ ।

जोन हप्किन्स युनिभर्सिटीका अनुसार, सोमबार राति १२ बजेसम्ममा विश्वभरिमा कोरोनाभाइरसले १,२९,८४,८११ जनालाई संक्रमित तुल्याइसकेको छ । तीमध्ये ५,७०,३७५ जनाको निधन भइसकेको छ भने ७१,५६,९२५ मानिसहरु निको पनि भइसकेका छन् । CNN