बारा, कार्तिक २४/ आस्रन प्रतिनिधि तथा प्रदेशसभा सदस्य निर्वाचनमा बारा निर्वाचनमा क्षेत्र नं ३ (क) मा राजतीनिक दल भित्र र बाहिरका गरेर १४ जना चुनावी प्रतिस्पर्धामा उत्रिएका छन् ।
पार्टीवाट टिकट नपाएकाहरु स्वतन्त्र भएको दावी सहित र ठुला–साना दलका प्रतिनिधि गरेर १४ जना प्रतिस्पर्धामा छन् । जसमध्ये मुख्य प्रतिस्पर्धामा भने ३ ठुला दलका उम्मेदवारहरु भरत खड्का, मुकेश साह र रविन्द्रदास श्रेष्ठ देखिन्छन् ।
३ (क) मा प्रदेशसभा सदस्यमा सत्ता गठबन्धनको तर्फबाट मुकेश साह जनता समाजवादी (जसपा)का भरत खड्का, एमाले उम्मेदवार रविन्द्रदास श्रेष्ठ प्रतिस्पधामा छन् । साथै एमाले, जसपा र एकिकृत समाजवादीमा बसेर राजनीति गरेकाहरु पार्टीले टिकट नदिएपछि स्वतन्त्र उम्मेदारी दिएर मतदाताको घरदैलोमा पुगेका छन् ।
एमालेका पुराना नेता तथा पूर्व गाविस अध्यक्ष क्षेत्रिले एमाले पार्टी परित्याग गरेको घोषणा सहित स्वतन्त्र उम्मेदवारी दिएका छन् भने जसपाका कलैया उपमहानगर अध्यक्ष पटेल र नेकपा एकिकृत समाजवादी प्रदेश कमिटी सदस्य धुव्र यादवले नेकपा एस छोडेर स्वतन्त्र उम्मेदवारी दिएका छन् ।
लौरो बोकेर मतदाताको घरदैलोमा पुगेका जसपा नगर अध्यक्ष शिवनाथ पटेलले पुराना नेताहरु सधै आफुमात्रै रमाउने प्रवृतिका विरुद्ध स्वतन्त्र उम्मेदवारी दिएको बताएका छन् । ‘जसरी काठमाडौ र धरानमा स्वतन्त्र उम्मेदवारले जितेपछि परिवर्तन भयो त्यसरी नै यो समाजको परिवर्तनका लागि मेरो स्वतन्त्र उम्मेदवारी हो’ उनले भने ‘३३ वर्षदेखि म एमाले र जसपा भित्र बसेर राजनीति गरेको हुँ तर आज यि पार्टीहरुबाट देशको विकास नहुने देखिएको छ,जनता अव पार्टी भन्दा माथि उठेर स्वतन्त्रलाई जिताउने अभियानमा लागेका छन्’ । बारा ३ (क) मा जसपाले भरत खड्कालाई उम्मेदवार बनाएको छ पटेलले स्वतन्त्र उम्मेदवारी दिएका हुन् ।
एमालेबाट प्रदेशसभा सदस्यको दावी गरेका पूर्व गाविस अध्यक्ष नारायण क्षेत्रिले भष्ट्रचारको विरुद्व अभियान चलाउन आफुले स्वतन्त्र उम्मेदवारी दिएको बताएका छन् । ‘पार्टीहरु सरकार चलाउन असक्षम देखिए, मुलुकमा भष्ट्रचार नियन्त्रण गर्न शुसासन कायम गर्न हाम्रो उम्मेदवारी हो’ क्षेत्रिले भने ‘दलहरुले सत्ताको लागि मात्रै राजनीतिलाई व्यवसाय बनाईरहेका छन्, राजनीति भनेको जनताको सेवाका लागि गर्ने पुण्यको काम हो, गरिव विपन्नहरुलाई राज्य सत्तामा पहुँच पुर्याउन पार्टीले अवसर नदिएपछि स्वतन्त्र उम्मेदवारी दिन हामी बाध्य भएका हौ’
एमाले नेता क्षेत्रिले स्वतन्त्र उम्मेदवारी दिएपछि विज्ञप्ती निकाले पार्टी परित्याग गरेको घोषणा गरेका थिए । एकवर्षअघि एमाले विभाजन हुदाँ नेकपा एकिकृत समाजवादीमा लागेका नेकपा एसमा प्रदेश कमिटी सदस्य रहेका धुव्र यादवले सोही प्रदेशमा स्वतन्त्र उम्मेदवार छन् ।
सत्ता गठबन्धनको तर्फबाट ३ (क) मा माओवादीका मुकेश साहले टिकट पाएपछि यादवले पार्टी छोडेको घोषणा गरेर स्वतन्त्र उम्मेदवारी दिएका हुन् । झुटा आवश्वस बाँड्न हिडेका दलहरुको विरुद्धमा र जनताको हितमा काम गर्न आफुले उम्मेदवारी दिएको यादवले दावी गरेका छन् । पार्टीभित्र विद्रोह गरेर स्वतन्त्र उम्मेदवारी दिएका पटेल, क्षेत्रि र कुशहवाले आस्रन निर्वाचनमा आफु निर्वाचित हुनभन्दा पनि आफ्नो पकेट क्षेत्रको मत बिभाजन गरेर विरोधी उम्मेदवारलाई हराउने उद्देश्यले उम्मेदवारी दिएको दलका प्रतिनिधिहरुले आरोप लगाएका छन् ।
अन्य दलहरु बिचमा सेकेन्ड को हुने भन्ने होडबाझी छ: उम्मेदवार खड्का
जनता समाजवादी पार्टी (जसपा) का बारा ३ (क) प्रदेशसभा सदस्यका उम्मेदवार भरत खड्काले अन्य दलहरुबीच दोस्रो को हुने भन्ने होडबाझी रहेको टिप्पणी गरेका छन् ।
‘म जे बोल्छु त्यही गर्छु अहिलेसम्मको स्थित हाम्रो पक्षमा अत्यन्तै बलियो र सकरात्मक अवस्था छ, हामीसँग प्रतिस्पर्धा गर्ने दल नै मैले देख्दिन बरु सेकेन्ड को हुने भन्ने विषयमा उहाँहरु बीचमा होडबाझी छ’ उम्मेदवार खड्काले भने ‘उहाँबिचमा प्रतिस्पर्धा राम्रो देखिन्छ हामीसँग कसैको प्रतिस्पर्धा छैन्’ । २०७४ मा माओवादी केन्द्रकी उम्मेदवार ज्वालकुमारी साह सँग चुनावी प्रतिस्पर्धामा उत्रिएका खड्का यसपटक माओवादीका रविन्द्रदास श्रेष्ठसँग प्रतिस्पर्धामा छन् ।
खड्का २०७४ मा नेकपा एमालेबाट प्रदेशसभा सदस्यका उम्मेदवार थिए । जितपुरसीमरा उपमहानगरको ८ वटा वडा र कलैया उपमहानगरको १० वटा वडा यहि निर्वाचन क्षेत्रमा पर्दछ । बारा–३ मा जसपाबाट प्रतिनिधि सभा सदस्यका उम्मेदवार रामबाबु यादवले पछिल्लो समय उत्तरी भेगमा गरेको लगानी र केही सकरात्मक कामको प्रतिफल खड्काका लागि सकरात्मक देखिएको छ ।
आम नागरिकका समस्या समाधान गर्न मेरो उम्मेदवारी हो : साह
सत्ता गठबन्धनका उम्मेदवार मुकेश साहले कृषि, शिक्षा, स्वास्थ्य, कलकारखानामा कार्यरत मजदुरका समस्या समाधान गर्न आफुले उम्मेदवारी दिएको बताएका छन् । ‘जनताले जे सोचका छन्, जनताका आवश्यकता नै हाम्रो चुनावी एजेण्डा हो, यहाँ मुख्यतया राजमार्गसँग जोड्ने भित्री सडकहरुको समस्या, स्वास्थ्य, कलकारखानामा कार्यरत मजदुरको समस्या, किसानलाई मल र सिंचाईको समस्या छ हामी यि सबै समस्या समाधान गर्न प्रतिवद्व छौ’ उम्मेदवार साहले भने ‘युवा प्रति जनताको आक्र्रषण र जनताको भरोसाको कारण नै मेरो जित निश्चित छ’ सत्ता गठबन्धनबाट प्रदेशसभा सदस्यमा उम्मेदवार बनेका साह २०७४ को निर्वाचनमा कलैया उपमहानगर नगरप्रमुखमा उम्मेदार थिए । यसपटक सत्ता गठबन्धन ईमानदार भए निर्वाचन सजिलै जित्ने सकिने बताउछन् ।
हामी सबै सहयात्री हौ, कसैसँग मेरो प्रतिष्पर्धा छैन्: उम्मेदवार श्रेष्ठ
नेकपा एमाले उम्मेदवार रविन्द्रदास श्रेष्ठले आफ्नो प्रतिस्पर्धी कोही नभएको चुनावमा सबै सहयात्री भएको बताएका छन् । ‘मेरो चुनाव जित्ने आधार भनेको जनता नै हो, जनताको बिचमा बसेर काम गरेको छु बिगतमा उहाँहरुले चुनेर मलाई कलैया नगरपालिकाको मेयर बनाउनु भयो यसपटक प्रदेश सभा सदस्य बनाउनुहुन्छ भन्न्े विश्वासमा छु’ श्रेष्ठले भने ‘स्वच्छ चुनावी प्रतिस्पर्धामा जनताले कस्लाई माया गर्नुहुन्छ उहाँहरुको हातमा छ’ एमाले उम्मेदवार साह २०५४ सालमा तत्कालिन कलैया नगरपालिकाको नगरप्रमुख भएका थिए ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८