साना किसान कृषि सहकारी सिमराद्वारा नयाँ वर्षको अवसरमा शुभकामना आदान प्रदान कार्यक्रम सम्पन्न

बारा (सिमरा)
स्थापनाको छोटो समयमा सफलता हासिल गर्न सकेको साना किसान कृषि सहकारी संस्था सिमराले नयाँ वर्षको अवसरमा शुभकामना आदान प्रदान कार्यक्रमको आयोजना गरेको छ । संस्थाले सहकारी तथा सहकारी संस्थामा आवद्ध शेयर सदस्यहरुको उन्नति, प्रगति र सम्वृद्धिको कामना गर्दै विहीबार शुभकामना आदानप्रदान कार्यक्रमको आयोजना गरेको हो ।

साना किसान सहकारी संस्था सिमरामा हाल १ हजार २ सय महिला सेयर सदस्य र ६ सय पुरुष सदस्य गरी जम्मा १ हजार ८ सय सदस्य आवद्ध रहेको संस्थाका अध्यक्ष कमला कुमारी रिमालले जानकारी दिएकी छिन् ।

कार्यक्रममा साना किसान लघुवित्त वितीय संस्थाका पुष्पराज मैनालीले अरु सहकारीभन्दा साना किसान सहकारी समूहमा आबद्ध हुने हुनाले यो सहकारी रकम डुब्ने जोखिम कम हुने धारणा बताएका छन् ।

संस्थाका अध्यक्ष रिमालको अध्यक्षतामा सम्पन्न कार्यक्रममा संस्थाका सञ्चालक मिरा पुरी लगायतले शुभकाामना मन्तव्य गरेकी थिईन् भने संस्थाका प्रबन्धक कुलोत्तम पोख्रेलरेलले संस्थाको आर्थिको कारोवारको विषयमा सञ्चालन समिति र सेयर सदस्यहरुलाई जानकारी दिएका थिए । सो कार्यक्रममा श्यामा सापकोटाको सेयर सदस्यहरु सबैलाई स्वागत मन्तव्य व्यक्त गरेकाी थिईन् ।