बारा,कात्तिक ३०/आस्रन मंसिर ४ गते हुने प्रतिनिधि तथा प्रदेससभा सदस्य निर्वाचनलाई लक्ष्यित गरेर जितपुरसीमरा उपमहानगर २ स्थित ब्राईटर एकेडेमी विद्यार्थीहरुले नमुना मतदान कार्यक्रम सञ्चालन गरेका छन् । ब्राईटर एकेडेमीका पिन्सिपल राजुकुमार कार्की तथा विद्यालय प्रशासनको सहयोगमा कक्षा १० मा अध्ययनरत विद्यार्थीहरुले आज एक कार्यक्रमको आयोजना गरेर नमुना मतदान कार्यक्रम सञ्चालन गरेका हुन् ।
विद्यालयमा हुने सैद्वान्तिक शिक्षा सँगसगै व्यवहारिक तथा सामाजिक शिक्षासँग सम्वन्धित भएकोले मतदान कार्यक्रमलाई प्राथमिकतासाथ सम्पन्न गरिएको विद्यालयका पिन्सिपल कार्कीले जनाएका छन् । नमुना मतदात कार्यक्रममा ब्राईटर एकेडेमीको नाममा प्रतिनिधि तथा प्रदेश सभा सदस्य निर्वाचनको प्रत्यक्ष र समानुपातिक तर्फका छुट्टाछुटै ब्यालेट बक्सहरु समेत राखिएको थियो ।
आस्रन निर्वाचनमा मत बदर नहोस् , विद्यार्थीहरुले घरमा अभिभावकलाई मतदान कसरी गर्ने भनेर सिकाउन सकुन् भन्ने उद्देश्यले सो कार्यक्रम सञ्चालन गरिएको हो । कार्यक्रममा नमुना मतपत्र विद्यालयले उपलब्ध गराएको र अरु सम्पूर्ण व्यवस्थापन कक्षा १० का विद्यार्थी एवं शिक्षकहरुले गरेका विद्यालयका पिन्सिपल कार्कीले जनाए ।
नमुना मतदान कार्यक्रमले विद्यार्थीहरुमा मतदान गर्ने पद्धति,प्रकिया र लोकतान्त्रिक भावनाको विकास हुनुका साथै विद्यार्थीहरुले आफ्ना अभिभावकलाई समेत त्यसबारेमा सचेत गराउने छन् । कार्यक्रमको माध्यमबाट निर्वाचन सम्बन्धी धेरै सिक्न पाएको भन्दै विद्यार्थीहरुले खुसी व्यक्त गरेका थिए । नमुना मतदान कार्यक्रममा कक्षा ७ देखि १० सम्मका ४१९ विद्यार्थीले मतदान गरेका थिए भने सो कार्यक्रममा मतदान अधिकृतको रुपमा निमा चौधरी खटिएकी थिईन् ।
भने व्यवस्थित ढङ्गले निर्वाचन सम्पन्न भएकोमा सम्पूर्ण शिक्षक,विद्यार्थी ,स्काउटका विद्यार्थीहरुलाई सहायक मतदान अधिकृत रोहन चौरसिया धन्यवाद प्रकट गरेकी थिईन् ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८