बारा,मंसिर ९ /पूर्व श्रममन्त्री तथा बारा निर्वाचन क्षेत्र नं ४ का प्रतिनिधि सभा सदस्य किसान श्रेष्ठले निर्वाचन प्रचारप्रसारको क्रममा बारा ४ का जनता सामु जनाएका हरेक प्रतिवद्वता पुरा गर्ने बताएका छन् ।
प्रसौनी गाँउपालिका वडा नं ४ खुटुवाका कम्युनिष्ट नेता रकटु हजराको निधनमा आयोजित श्रद्वान्जली कार्यक्रममा बोल्दै संघीय सांसद श्रेष्ठले बारा ४ नं क्षेत्रमा जनताको हरेक सुखदुखमा साथ दिने प्रतिवद्वता जनाएका छन् । ‘बारा निर्वाचन क्षेत्र नं ४ रहेका फुसका छाना भएका घर, बेरोजगार युवाहरुको समस्या, घरबार बिहिन दलितहरुलाई घर बनाउने लगायतका सम्पुर्ण समस्या समाधान म दिनरात नभनी यहि क्षेत्रमा खटिनेछुु’ संघीय सांसद श्रेष्ठले भने ‘तपाईहरुको हरेक सुख दुखमा सँगै रहने र कम्युनिष्ट्र नेता रकटुले देखेका सपनाहरु साकार पार्न लाग्नेछु’ ।
बारा ४ मा आफ्नो पार्टीको खासै जनाधार नभए पनि नेपाली कांग्रेस, लोसपा, माओवादी केन्द्र लगायतका दलहरुको सहयोगमा आफु निर्वाचित भएकोले गठबन्धनका दलहरुको सुझाव अनुसार नै अघि बढ्ने बताएका छन् । प्रसौनी ४ खटुवाका पुराना कम्युनिष्ट्र नेता हजराको ७६ वर्षको उमेरमा आज निधन भएको हो । सन्तान नभएका र विपन्न परिवारका हजरा भतिजको घरमा बस्दै आएका थिए र उनको निधनपछि मृत्यु काजक्रिया गर्न लाग्ने आर्थिक सहयोग श्रेष्ठले ब्यक्तिगत रुपमा सहयोग गर्ने जनाएका छन् ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८