साना किसान कृषि सहकारी सिमराद्धारा सेयर सदस्य पाण्डेको निधनमा आर्थिक सहयोग र श्रद्धान्जली प्रकट

बारा (सिमरा),माघ/१७
साना किसान कृषि सहकारी संस्था लिमिटेड सिमराले आफ्नो संस्थाको सेयर सदस्य तथा सञ्चालक समिति सदस्य लक्ष्मी पाण्डेका पति मुकुन्द पाण्डेको निधनमा संस्थाको तर्फबाट श्रद्धान्जली प्रकट गरेको छ ।

जीतपुर सिमरा उपमहानगर वडा नं ८ का निवासी मुकुन्द पाण्डेको धेरै दिनदेखि विभिन्न स्वास्थ्य सम्वन्धि समस्याले ग्रसित थिए । सोही बिचमा कुकुरले टोकेपछि उनको उपचारको क्रममा निधन भएको साना किसान कृषि सहकारी संस्थाकी सचिव मिरा पुरीले जनाएकी छिन् ।

उनको निधनमा समाजिक उक्तरदायित्व अन्र्तगत संस्थाले मंगलवार केही आर्थिक सहयोग र मृतको फोटो अंकित श्रद्धान्जली फ्रेम प्रदान गरेको छ । स्व. मुकुन्द पाडेकी पत्नी लक्ष्मी पाण्डे साना किसान कृषि सहकारी सिमराको सञ्चालक समिति सदस्य हुन् । उनको २ छोरा, बुहारी र नाति नातिना छन् ।