२०७४ मा चुनाव जितेर गएपछि गाँउ फर्केर नआएको र रातारात एमाले प्रवेश गरेर उम्मेदवार बनेर आएको भन्दै मतदाताहरु यसपटक मियाँलाई मतदान नगर्ने पक्षमा छन् ।
बारा,कार्तिक २९/ फेटा गाँउपालिका वडा नं १ साविक गाविसको ९ वटा वडा गाभेर बनेको एउटै वडा हो । गाँउपालिकाको ७ वटा वडा मध्ये वडा नं १ सबैभन्दा ठुलो र धेरै जनसंख्या भएको वडा हो । ६ वटा ठुला गाँउहरु यसै वडाभित्र पर्दछ । गाँउमा ४ वटा आधारभुत तहका विद्यालय छ तर, माध्यमिक तहको पढाई नहुदाँ यहाँका विद्यार्थीहरु धेरैले बिचमै पढाई छोड्छन् भने केही अन्यत्र पढ्न जान्छन् ।
फेटा गाँउपालिका वडा नं १ त्रिवेणी टोलका बिवेक कुशहवा गाँउमा माध्यमिक तहको विद्यालय नहुदाँ धेरै समस्या भएको बताउछन् । ५ वर्षअघि जितेर गएका संघीय सांसद एकवाल मियाँले शिक्षा र स्वास्थ्यमा केही काम नगरेको उनको गुनासो छ । ‘गाँउमा एउटै माध्यमिक विद्यालय छैन्, वर्षामा सडक हिलाम्बे हुन्छ, किसानलाई प्रविधि, मल र सिंचाई नहुदाँ हेक्टरका हेक्टर जमिन बाँझो छ’ कुशहवाले भने ‘पहिला जितेर गएका एकवाल मियाँले विकास भन्दा पनि आफ्नो कार्यकर्ता रिझाउन मात्रै व्यस्त रहे, उहाँहरुको संसदीय कोषबाट हाम्रो गाँउमा केही काम भएको छैन्’ ।
शारीरिक रुपमा अपाङ्ग सोही गाँउका मुकेशकुमार दास पनि २०७४ मा निर्वाचन जितेर गएका मियाँ गाँउमा फर्केर नआएको गुनासो गर्दछन् । अपाङ्ग दास गाँउमा स्वास्थ्य बिमा कार्यक्रम सञ्चालन नहुदाँ बिरामी छोरालाई निजी अस्पतालमा लगेर उपचार गर्न जान नसकेको गुनासो गर्छन् । ‘छोराको उपचार गर्न नसकेर घरमै राखेको छु डाक्टरले स्वास्थ्य बिमा गरेर आउनुस् भन्छ गाँउमा स्वाथ्य बिमा कार्यक्रम सञ्चालनमा छैन, हामीले मियाँलाई जिताएर पठायौ तर हाम्रो गुनासो सुन्न कहिल्यै फर्केर आएनन्’ दासले भने ।
सो वडामा २५० भन्दा बढी दलित घरहरु छन् । दलित परिवारका महिलाहरु गाँउमा खानेपानी र माध्यमिक तहको विद्यालय नहुदाँ समस्या भएको गुनासो गर्दछन् ।
सोही वडाकी लालपरी देवि १५/२० घरधुरीका लागि गाँउमा एउटा मात्रै धारा भएको र त्यो पनि बेला बेलामा पानी सुक्ने गरेको बताउछिन् । ‘चुनावमा दलितहरुको लागि खानेपानीको धारा, बिजुली, स्कुल बनाईदिन्छु भनेर २०७४ मा एकवाल मियाँले चुनाव जितेर गए तर, ५ वर्षमा कहिल्यै फर्केर आएनन्’ लालपरी देविले भनिन् । बारा निर्वाचन क्षेत्र नं ४ जितपुरसीमरा उपमहानगरको १६ वटा वडा,कलैया उपमहानगर वडा नं १७, विश्रामपुर, परवानीपुर र फेटा गाँउपालिका पर्दछ ।
यो निर्वाचन क्षेत्रले जिल्लाको उत्तरी भेगमा चुरेदेखि मधेशको फाँट हुदै भारतिय सिमासम्म छोएको छ । कलैया उपमहानगर वडा नं १७ का महेशराम पनि गाँउमा दलितका छोराछोरीहरु पढन माध्यमिक तहको विद्यालय र खानेपानीको समस्या झेल्नुपरेको बताउछन् । ‘स्कुल छ त तर प्राथमिक तहको मात्रै छ, हाम्रो गाँउमा खानेपानीको पनि धेरै छ’ महेशरामले भने । २०७४ को निर्वाचन बारा–४ मा तत्कालिन राजपाबाट एकवाल मियाँ निर्वाचित भएका थिए । तर, मियाँले निर्वाचित भएपछि ५ वर्षमा आफ्नो निर्वाचन क्षेत्रमा कुनै काम नगरेको महेशराको गुनासो छ ।
५ वर्ष गाँउमा फर्केर नआएको र पुनं टिकटका लागि रातारात एमाले प्रवेश गरेर उम्मेदवार बनेर आएको भन्दै पुराना मतदाताहरु यसपटक मियाँलाई मतदान नगर्ने पक्षमा छिन् । बारा निर्वाचन क्षेत्र नं ४ जितपुरसीमरा उपमहानगर वडा नं १९ की रिती खातुन छोरोछोरीको नागरिकता नहुदाँ धेरै समस्या झेल्नुपरेको र नागरिकता विद्येयकमा एमाले अवरोध गरेकोले आफुले मियाँलाई मतदान नगर्ने बताउछिन् । ‘आज एमालेको कारण मेरो छोराछोरीहरुले नागरिकता पाएनन् उमेर पुगेका छोराछोरीको आज नागरिकता बन्न नसक्दा रोजगारीको लागि विदेश जान छटपटाईरहेका छन्’ खातुनले भनिन् ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८