बारा,कात्तिक ३०/सुविधाका लागि मात्रै नेकपा एकिकृत समाजवादीमा बसेका निर्वतमान प्रदेशसभा सदस्य सुन्दर विश्वकर्माको दवावमा एमाले गएकी नेकपा एस जिल्ला कमिटी सदस्य रमा राई पुनं आफ्नै पार्टीमा फर्किएकी छिन् ।
बारा निर्वाचन क्षेत्र नं ४ का प्रतिनिधि सभा सदस्यका उम्मेदवार किसान श्रेष्ठ र प्रदेशसभा सदस्य ४ (क) उम्मेदवार क्षेत्रबहादुर श्रेष्ठ (अनिल)को चुनावी घरदैलोका कार्यक्रममा राईले एमाले छोडेर नेकपा एसमा फर्किएको घोषणा गरेकी हुन् ।
राई निवर्तमान प्रदेशसभा सदस्य बिकको छिमेकी हुन् । जितपुरसीमरा उपमहानगर वडा नं ४ औराहा निवासी राईले नेता बिकको दवावमा नचाहदा नचाहदै पनि एमाले प्रवेश गरेको तर पछि आफ्नै पार्टी प्यारो भएकाले फर्किएको बताईन् । ‘मलाई जान त मन लागेको थिएन, सुन्दर विकले यतै आउनुस् भनेकोले मन नलाग्दा नलाग्दै गए पछि फेरि यसो सोचे यहाँको बिकासको लागि किसान श्रेष्ठ नै सबैभन्दा उत्तम व्यक्ति हो भनेर यतै आउन मन लागेर आफ्नै खुशिले आएको’ महिला नेतृ राईले भनिन् ‘किसान दाईले राम्रो काम गर्नुहुन्छ आश पनि छ हामीलाई, उहाँले चुनाव जित्नुपनि हुन्छ त्यहि भएर पार्टी प्रवेश भएको हो’
मंगलवार जितपुरसीमरा उपमहानगर वडा नं २ मा भएको चुनावी घरदैलोको क्रममा संघीय सांसदका उम्मेदवार किसान श्रेष्ठको हातबाट टिका र खादा लगाएर राई नेकपा एसमा फर्किएकी हुन् । निर्वतमान प्रदेशसभा सदस्य सुन्दर बिकले पदमा हुदाँ केही लाभ दिएको भन्दै जबरजस्ती नेकपा एसका कार्यकर्तालाई एमाले प्रवेश गराएका थिए । एमाले प्रवेश गरेका अधिकाशं कार्यकर्ता अहिले एसमा फर्किसकेका छन् ।
बिकले नेकपा एसको मधेशप्रदेश पार्टी प्रमुख सचेतक हुदाँ पाएको गाडीको सुविधा एमाले प्रवेश गरेपछि पनि नछोडेको र एमालेको चुनावी प्रचारप्रसारमा प्रयोग गरेको सुचना आएपछि प्रहरीले सो गाडी नियनत्रणमा लिएको थियो ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८