जनताको भावनासँग खेलवाड गरेर नियोजित हिसावले पुल भत्काउन खोजियो : यादव
बारा, कार्तिक २७/ २ वर्षदेखि अलपत्र अवस्थामा रहेको सिमरा–कोहल्वी सडक खण्डमा पर्ने बडर्हवा पुल सञ्चालन गरेको भन्दै बारा–३ का संघीय उम्मेदवार रामबाबु यादव विरुद्व पुल भत्काई क्षतिपुर्तीको माग सहित जिल्ला अदालतमा ३ वटा मुद्दा दर्ता भएको छ ।
बारा निर्वाचन क्षेत्र नं ३ का प्रतिनिधि सभा सदस्य उम्मेदवार यादव विरुद्व अदालतको आदेशको अवहेलना गरेको, पुलमा निमार्णको क्रममा बाटो मिचेको र पछिल्लो समय क्षतिपुर्तीको मागदावी सहित जिल्ला अदालत बारामा मुद्दा दर्ता भएको हो । उनि विरुद्ध सखवा हाउजिंग कम्पनी प्रा.लिको तर्फबाट रामेश्वर प्रसाद यादवले एक साताअघि मात्रै क्षतिपुर्तीको माग गर्दै तेस्रो मुद्दा दर्ता गरेका छन् ।
‘कित्ता नं ४३४ को १ बिगाहा र कित्ता नं ४३५ को ३ बिगाहा कम्पनिको नाममा भएको जग्गाको बिचबाट १५ कठ्ठा जग्गामा जबरजस्ती खिचोला गरेर पुल र बाटो निमार्ण गरेकोले पुल र बाटो मेटाई,भत्काई खेतको रुपमा खनेको खाल्टो समेत पुनं भर्न लगाई लागेको अदालती शुल्क तथा अन्य दस्तुर विपक्षीबाट भराई अदालतबाटै चलन चलाई पाँउ’ विपक्षीले अदालतमा पेश गरेको निवेदनमा उल्लेख गरिएको छ ।
६ महिनाअघि यादवले क्रसर सञ्चालक तथा स्थानिय तहको सहयोगमा २ वर्षदेखि अलपत्र अवस्थामा रहेको पुलको दुवैतर्फ बाटो खोलेर, माटो भरेर पुल सञ्चालनमा ल्याएका थिए । यादव बारा ३ का निर्वतमान संघीय सांसद तथा जनता समाजवादी पार्टीका मधेशप्रदेश अध्यक्ष समेत हुन् । निर्वाचनमा पराजित हुने मानसिकता भएका विपक्षीहरुले आफु विरुद्ध षडयन्त्र गरेको उनको टिप्पणी छ ।
‘म विरुद्ध पहिला मानहानी मुद्दा हालियो, अहिले पुल भत्काई चलन चलाई क्षतिपुर्ती पाउ भन्दै अर्को मुद्दा दर्ता गरिएको छ यो सबै निर्वाचनलाई लक्ष्यित गरेर म माथि आक्रमण गर्न खोजिएको हो’ उनले भने । २०७५ सालमा २ वर्षभित्र निमार्ण सम्पन्न गर्नेगरी पुलको ठेक्का लागेपनि पुल निमार्णको क्रममा जग्गा किचलोका कारण धेरै वर्ष पुल अलपत्र अवस्थामा रहेको थियो ।
मुद्दाको अन्तिम टुंगो नलागेसम्म पुल नबनाउनु यथास्थितीमा राख्नु भनेर जिल्ला अदालतले दिएको अन्तरिम आदेशको विषयमा जानकारी नभएको तर जग्गाको विवादको विषयमा पटक पटक छलफलका लागि सुचना निकाल्दा कोही उपस्थित नभएको यादवको भनाई छ । पुलको बाँकी काम गर्ने क्रममा जग्गा धनी को हो कस्ले मुद्दा गरेको छ भनेर पटक पटक सुचना निकाल्दा कोही नआएको यादवले भनाइ छ ।
‘काम शुरु गरेपछि कोही रोक्न आउछ भने छलफल गरौला भन्यौ कोही आएन आज निर्वाचनको मुखमा मेरै खर्चमा पुल भत्काई पाउ भनेर म माथि विपक्षीले मुद्दा गर्यो, यो नियोजित रुपमा मलाई फसाउन खोजेको जस्तो देखिन्छ’ यादवले भने ‘अवहेलना मुद्दामा मलाई दण्डित गरेर मेरो राजनीतिक जिवन समाप्त गर्ने दाउ छ, यो क्षतिपुर्ती माग गर्दै परेको मुद्दा हार्न गयो भने पुल भत्काउनेसम्मको निर्णय हुनसक्छ’ ।
सिमरा–कोहल्वी सडक खण्डमा रहेको सो पुल सञ्चालनसँगै जितपुरसीमरा, कलैया उपमहानगर, कोहल्वी नगरपालिका र करैयामाई गाँउपालिकाका कृषक, मजदुर,क्रसर सञ्चालन, टिपर व्यवसायी सहित हजारौ स्थानियहरुलाई आवतजावतमा सहज भएको छ । बिगतमा पुल सञ्चालनमा नहुदाँ बालगंगा खोला तरेर हिड्नुपर्ने वर्षायामा खोला बढ्दा पिलुवा–कलैया सडक खण्ड हुदै पूर्व–पश्चिम राजमार्गबाट आवतजावत गर्नुपर्ने बाध्यता थियो ।
पुल सञ्चालनसँगै सो क्षेत्रमा रहेका कृषियोग्य भूमि बचाउन खोलाको दुवैतर्फ तटबन्ध गर्ने काम निर्वाचन लगत्तै शुरु हुने उम्मेदवार यादवले जनाएका छन् ।
सखरा हाउजिङ्ग कम्पनि प्रा.लिको नामबाट वारेस रहेका रामेश्वर प्रसाद यादवले पुल बन्दाबन्दैको अवस्थामा निमार्णको काम रोक्न माग गर्दै अदालतमा मुद्दा हालेको दावी गरेका छन् । ‘हाम्रो सम्पति नाश हुनेगरी पुल निमार्ण भएको छ पुल भत्काई क्षतिपुर्ती पाउनुपर्छ भन्ने हाम्रो माग हो’ वारेस रामेश्वरप्रसाद यादवले भने । यता उम्मेदवार यादवले भने जनताको भावनासँग खेलवाड गर्ने र नेताप्रतिको विश्वास हटाउने उद्देश्यले नियोजित रुपमा पुल भत्काउन खोजिएका टिप्पणी गरेका छन्
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८