शारदा पोखरेल, बारा
बारा साविक प्रस्टोका गाविस वडा नं १ की मोहनी देवी एकल महिला हुन् । उमेरले ५५ कटेकी मोहनी देवीको लोग्ने बासुदेव राउतको गत असार २२ गते निधन भयो । लोग्नको मृत्यु भएको ९ दिनपछि असार ३१ गते सासु मोलेसरी अहिरीनले पनि संसार छोड्नि । लोग्ने र सासुको मृत्युपछि मोहनी देवीलाई दैनिक घर व्यवहार टार्न धेरै समस्या भयो ।
हातमुख जोर्नकै लागि उनले वालक छोरो शिवा यादवलाई दैनिक ज्यालादारी पठाउन थालिन् । शिवाले दैनिक ज्यालादारी गरेर ल्याएको २÷४ सय रकमले घरमा वृद्ध ससुरा रामनारायण राउत अहिर, २ छोराछोरी र मोहनीदेवीको गुजारा चल्दथ्यो ।
सम्पतिको नाममा अढाईधुर जग्गा र सोही जग्गामा बनेको फुसको कच्ची घर बाहेक केही थिएन । बर्खा लागेपछि छानो चुहिएर कहिले गोठ त कहिले घरको बास हुन्थ्यो । यसै दिनचर्या चलिरहेको थियो । एक्कासी गत असार १ गते मोहनी देवीको ससुरा रामनारायण राउतको नाममा बारा जिल्ला अदालतकाट पत्र आयो । पत्रमा मोहनी देवीको परिवार बस्दै आएको अढाईधुर जग्गा अदालतले रोक्का गरेको सम्वन्धि व्योहोरा उल्लेख थियो ।
पत्रमा लेनदेन मुद्दामा बाटोको म्याद बाहेक एक्काईस दिनभित्रमा प्रतिउत्तरपत्र र कानुन बमोजिम लिखित प्रमाण सहित उपस्थित हुन सूचित गरिएको थियो । साथै म्यादभित्र प्रतिउत्तर लिई उपस्थित नभए कानुन बमोजिम फैसला हुने र भविष्यमा त्यस विषयमा कुनै उजुर समेत नलाग्ने जनाईएका थियो ।
सम्पतिको नाममा रहेको अढाईधुर जग्गा पनि रोक्का भएको सूचना पाउनासाथ मोहनी देवीलाई प्रत्यार लागेन तर पछि बुझ्दै जाँदा थाहा भयो आफ्नै कान्छो ससुरा छोरा नातामा देवर पर्नेले लेनदेनको कपाली कागज बनाएर अदालतबाट जग्गा रोक्का गरेका रहेछन् । फर्जी कागजपत्रको साहारामा वडाध्यक्षको हस्ताक्षर नै नभएको घरबाटो सिफारिसको माध्यमबाट देवर गोखुल यादवका छोरा दिपेन्द्र यादवले आफ्नो नाममा जग्गा पास गर्न खोजेको र पास हुन नसकेपछि आमा प्रमिला देवी अहिरको नामबाट रोक्का गरेको भेटिएको छ ।
रामनायारण यादवले पनि सम्पतिको नाममा रहेको अढाइधुर जग्गामा झुक्काएर कपाली कागज बनाएर आफ्नो नाममा पास गर्न खोजेको थाहा पाएपछि त्यहि त अशोजमा उनको पनि निधन भयो । मोहनी देवीले ससुरालाई मदिरा सेवन गराएर काजक्रिया गरिदिन्छु भन्दैे देवर गोखुल राउतका छोरा दिपेन्द्र राउतले झुक्काएर ५ लाखको लेनदेनको कागज बनाएको र त्यहीँ लेनदेनका आधारमा अढाईधुर जग्गा आफ्नो नाममा बनाउन खोजेको बताईन् । वृद्ध भत्ता घरमै ल्याईदिन्छु भनेर झुक्काएर रामनारायण राउतलाई झुक्काएर कपाली कागज बनाएको स्थानिय नेपाली यादवले जनाएका छन् ।
भतिजले झुक्काएर जग्गा पास गर्न खोज्दा छिमेकीले बचाए
छोरा र पत्नीको निधनपछि रामनारायण यादव बेलाबेलामा भाईका छोराहरु गोखुल राउत अहिर र उनकी पत्नी प्रमिला देवी अहिरको घरमा आउजाउ गर्दथे ।
७८ वर्षिय रामनारायण यादवको मदिरा सेवन गर्ने बानी थियो । भतिजको घर आउजाउ गर्ने क्रममा गोखुलका छोरा दिपेन्द्र राउतले रामनारायणसँग झुक्काएर २०७५ बैशाख १० गतेको मिति जनाएर ५ लाखको कपाली कागज गरेको स्थानियहरुको भनाई छ । त्यही कपाली कागजको आधारमा दिपेन्द्र यादवले सयकडा १० प्रतिशतका दरले ५ लाख साँवा र ३ वर्ष ९ महिनाको व्याज १ लाख ८८ हजार ५५ रुपयाँ व्याज सहित ६ लाख ८८ हजार ५५ रुपयाँको विगो भराई पाउ भन्दै जिल्ला अदालत बारामा थप व्याज तथा अदालती शुल्क,अन्य दस्तुर लगायतको मुद्दा खर्च समेत विपक्षीबाट भराउन वारेस विदेशी प्रसाद यादव मार्फत जिल्ला अदालतमा जग्गा रोक्का गरेको देखिन्छ ।
दिपेन्द्र यादवले छिमेकीहरु लेखनदास रुपेस प्रसाद यादव मार्फत कपाली कागज बनाएको र विकास यादव र रामचन्द्र यादव साक्षी रहेको स्थायिन नेपाली यादवले भनाई छ ।
दिपेन्द्र राउतले २०७८ माघ पहिलो साता बनाएको कपाली कागजको मिति भने २०७५ बैशाख १० गते उल्लेख गरेका छन् । २०७५ को स्थानिय तह निर्वाचन अघि कपाली कागजलाई पनि अदालतले मान्यता दिने प्रचलन थियो । रामनारायण राउत अहिरलाई घरमा बोलाई राम्रोसँग पालनपोषण गर्छु भन्दै भाईको छोरा गोखुल राउतले २०७५ बैशाख १० गते ५ लाख रुपयाँ कपाली तमसुक कागज बनाएको मोहनी देवी अहिरको भनाई छ । दिपेन्द्रले वडाको फजी कागजपत्र पेश गरेर वडाध्यक्षको हस्ताक्षर नै नभएको पत्र मार्फत जग्गा पास गराउन खोजेपछि मालपोत कार्यालय कलैयामा हल्लाखल्ला भएको थियो ।
वडाध्यक्षको हस्ताक्षर नै नभएको घरबाटो सिफारिसका कारण २०७८ माघ १३ गते सो जग्गा पास नभएपछि माघ १६ गते दिपेन्द्र राउतले कपाली कागजको आधारमा बारा जिल्ला अदालतबाट जग्गा रोक्का गराएका थिए । ‘जग्गा रोक्का भएको अदालतबाट पत्र आएपछि मात्रै घर परिवारलाई थाहा भयो’ स्थानिय नेपाली यादवले भने । सोही घटनालाई लिएर स्थानिय र जनप्रतिनिधि सहितको टोली ईलाका प्रहरी कार्यालय सिमरा पुगेको थियो । जस्मा प्रहरीको रोहवरमा दिपेन्द्र राउतले आफुले रकम नलिएको स्विकार गरेका थिए । प्रहरीको रोहवरमा भएको सो छलफलमा कित्ता नं ९६ को साढे २ धुर जग्गा नाति शिवा यादवको नाममा बकशपत्र रजिष्टेशन गरी जग्गा नामसारी गर्ने लिखित निर्णय भएको थियो ।
चैत १७ गते भएको सो सहमती हालसम्म कार्यन्वयन नभएको र जग्गा फिर्ता नदिएको मोहनी देवीको गुनासो छ । मोहनी देवीका देवर गोकुल राउत,प्रमिला देवी राउत वारेस विदेशी प्रसाद यादवले निर्वतमान वडाध्यक्ष ईलियास देवान र बहालवाला वडाध्यक्ष सुलतान अन्सारी, तत्कालिन प्रस्ट्रोका गाविस अध्यक्ष कपिलदेव प्रसाद यादव, स्थानिय नेपाली यादव, हरिश्चन्द्र यादव, प्रस्ट्रोका गाविसका तत्कालिन उपाध्यक्ष कलामुदिन अन्सारीको रोहवरमा रामनारायणसँग पैसा लेनदेन नगरेको भनि स्विकार गरेका थिए भने अढाईधुर जग्गा रामनारायण राउतको नाति शिव यादव नाममा पास गरिदिने सहमती भएको थियो ।
मोहनी देवी जग्गा फिर्ता नहुदाँ आफ्नो परिवारको विचल्ली भएको बताएकी छिन् । ‘म सँग मुद्दा लड्न सक्ने क्षमता पनि छैन्, पैसा पनि छैन् अव मैले कसरी न्याउ पाउछु’ उनले भनिन् । मोहनी देवीलाई न्याय दिलाउन आफुले हरप्रयास गरिरहेको उपमहानगर वडा नं २४ का वडाध्यक्ष सुलतान अन्सारीले जनाएका छन् । ‘उहाँहरु बीच पैसा लेनदेन भएको छैन्, जग्गा हड्प्ने उद्देश्यले वृद्ध ससुरालाई झुक्काएर पुरानो मितिमा कपाली कागज बनाएर आफ्नो नाममा जग्गा पास गर्न खोजेको देखिएको छ’ वडाध्यक्ष सुलतानले भने ।
जग्गा दिन्छु भनेको हो, हामीले पैसा लिएको छैन् : दिपेन्द्र
फर्ज कागजपत्रको साहारमा लेनदेनको झुटा मुद्दा बनाएर कित्ता नं ९६ को साढे २ धुर जग्गा रोक्का गरेको सम्वन्धमा दिपेन्द्र राउतले पैसा नलिएको स्विकार गरेका छन् । मोहनी देवीका कान्छो ससुराका नाति दिपेन्द्रले विरामी हुदाँ औषधी उपचार गरेकोले रामनारायण राउत (ठुलो बुवा) ले नै जग्गा दिन्छु भनेर मौखिक सहमती गरेको बताए । ‘झुटो आरोपमा मेरो वुवा गोखुल राउतलाई थुनामा राखेकोले जग्गा फिर्ता दिन आलटाल गरेको हौ, हामीले पैसा लिएको होईन’ दिपेन्द्रले भने ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८