प्रम का वचन/कर्मले सीमा नाघ्दैछ ,छाडा छोड्नु खतरनाक हुने : डा. भट्टराई

काठमाडौं – पूर्वप्रधानमन्त्री  डा. बाबुराम भट्टराईले प्रधानमन्त्री केपी शर्मा ओलीले बोलेका वचन/कर्मले सीमा नाघ्दैछ र उनलाई अब छाडा छोड्नु खतरनाक हुने हुने बताएका छन् ।
मंगलबार बिहान ट्विट गर्दै डा. भट्टराईले,  प्रम ओलीले सोमबार भानु जयन्तीको अवसरमा आयोजित एक कार्यक्रमलाई सम्बोधन गर्दै हिन्दू धर्मग्रन्थ रामायणमा वर्णित अयोध्या देश नेपालमा रहेको र राम भारतका नभई नेपालका राजकुमार भएको दाबी गरेको अभिव्यक्तिप्रति प्रम ओलीको आलोचना गरेका छन् ।
डा. भट्टराईले प्रधानमन्त्री ओलीको वचन र कर्मले सीमा नाघेको भन्दै अति गरे खति हुने समेत बताएका छन् ।
ट्विटरमा डा. भट्टराईले लेखेका छन्, ‘संसदमा ‘सिंहमेव जयते’ र बेसार–पुराणदेखि अयोध्या–पुराणसम्म आउँदा उहाँको चिन्तनप्रणाली स्वस्थ्य देखिन्न ।’
डा.भट्टराईले संसद स्थगत गरेर अध्यादेश र संकटकालको खड्ग समेत ओलीले आफ्नो हातमा लिएको भन्दै त्यसको विरोध जनाएका छन् । उनले अब ओलीलाई छाडा छोड्न नहुने भन्दै उपचार खोज्नुपर्ने समेत बताएका छन् ।