यसपालिको तिज खल्लो र निरास, छैन रमझम

दुई दिनअघिसम्म पनि तीजको रमझम कहिकतै देखिदैन । महिलाको स्वतन्त्रताको पर्व घर र कोठामा खुम्चिएको छ । कोरोना सङ्क्रमणको त्रासले कतै बन्दाबन्दी त कतै निषेधाज्ञा छ । कतिपय स्थानीय तहले त दिदीबहिनीलाई माइत नजान आग्रह नै गरेका छन् ।

स्थिति सामान्य हुन्थ्यो भने यतिबेला तीजको रौनकले चारैतिर रमाइलो छाइ सकेको हुनेथियो । महिनादिन अघिदेखि नै महिलाहरु दर, नाचगान र शुभकामना साटासाटमा व्यस्त हुन्थे । छोरीचेली माइत जाने सुरसारमा हुन्थे । गाउँशहरमा तीज मेला, उत्सव चल्थे । विद्यालय, सामाजिक सङ्घसंस्था, महिलाका सङ्गठन लगायतले गच्छे अनुसार तीज पर्व मनाउँथे, आफ्ना आफन्त चेलिवेटि लाई दर खुवाउँथे । यसपालिको तीज पर्व खल्लो र निरास छ ।

गाउँठाउँमा आयोजना हुने मेला, उत्सवका मौकामा हुने व्यापार पनि यो वर्ष गुम्यो । तीजका बेला बजारमा हुने किनमेल अघिल्ला वर्षको तुलनामा पनि ह्वात्तै घट्यो । तीजका मेला, समारोह नै नभएपछि महिलालाई पनि पोशाक र सौन्दर्यका सामग्री किन्नुपर्ने बाध्यता आइपरेन । तीजको सम्मुखमा अलिअलि भइरहेको कारोबार पनि अकस्मातको बजार बन्दले मारमा परेको व्यवसायी बताउँछन् । बजार, यातायात बन्दले कतिपयको माइत जाने योजना मा पनि बीचमै निरासा छाएको छ ।

सौन्दर्य सामाग्री व्यवसायी एक महिला कोरोनाले गर्दा माइत जान नपाएको प्रतिक्रिया दिद गए पनि उतै रोकिनुपर्छ कि भन्ने डर भएको वताउछिन । अब त गाडी, बजार सबै बन्द हुने भएपछि जाने कुरै भएन”, उनले भने, “यो वर्ष यथा स्थानमै बसेर तीज जाने भयो भन्दै दुःख पोखिन ।”

कोरोना सङ्क्रमणको जोखिम सरकारले देशका विभिन्न नगर क्षेत्रमा निषेधाज्ञा जारी गरिएको छ । अत्यावश्यक काममा बाहेक हिँडडुल गर्नसमेत रोक लगाइएको छ । चाडबाडमा हुने भीडभाड र आवातजावतले कोरोना सङ्क्रमणको जोखिम थप बढ्ने भएकाले निषेधाज्ञा जारी गर्नुपरेको जनाइएको छ ।

यो वर्षको हरितालिका तीज भदौ ५ गते बुधबार परेको छ । अघिल्लो दिन दिदीबहिनीलाई दर खुवाउने चलन छ । महिलाहरु पतिको सुस्वास्थ्य र दीर्घायूका लागि तीजमा व्रत बस्ने गर्दछन । विशेष गरि तिजको दिन भगवान् शिवको आरधाना गर्छन् । सत्य युगमा माता पार्वती ले यसै व्रत गर्नाले भगवान् शिवलाइ पतिको रुपका पाउनु भएको धार्मिक विस्वास रहि आएको छ ।