काठमाडौं, बैशाख १४ । सरकारले काठमाडौं उपत्यकामा बिहीबारदेखि लागू हुने गरी निषेधाज्ञा जारी गरेको छ । यसरी कोरोना संक्रमण बढेपछि सरकारले आम नागरिकलाई उपत्यका छोड्न दुई दिनको समय दिएको छ ।
पोहोर सालको लकडाउनमा दुख पाएका जनताहरु अहिले भने त्यो अवस्था नआवस भन्ने मनासयले धमाधम काठमाडौं छोड्न थालेका छन् । बिहानै देखि उपत्यका छाडेर घर फर्किनेहरूको भिड लागेको छ ।
सोमबार साँझ बसेको मन्त्रिपरिषद् बैठकले काठमाडौं उपत्यकामा वैशाख १६ गते बिहीबारदेखि निषेधाज्ञा जारी गर्ने निर्णय गरेको थियो । त्यसैले मंगलबार बिहानैदेखि काठमाडौं उपत्यका छाडेर घर फर्किनेहरूको भिड लागेको छ ।
खासगरी कोटेश्वर नाका र थानकोट नाकामा उपत्यका छाड्नेहरूको भिड बढेको छ । त्यसबाहेक बालाजुतर्फको नाका र बल्खु नाकामा समेत उपत्यका छाड्ने मानिसको भिड लागेको छ । सरकारले काठमाडौं उपत्यकामा बिहीबारदेखि लागू हुने गरी दुई हप्ता निषेधाज्ञा जारी गरेको छ ।
केही समयअघिसम्म यात्रुविहीन गुडेका सवारीसाधन अलिे भने खाँदाखाँद यात्रु लिएर हिनेका छन्
गोंगबुस्थित नयाँ बसपार्क, कोटेश्वर, कलंकी लगायतका क्षेत्रमा घर फर्किनेहरुको संख्या बढेको देख्न सकिन्छ ।
अन्य समयमा यात्रु नपाएर खाली हिँड्न बाध्य रहेका सार्वजनिक यातायात सोमबारको उक्त निर्णयसँगै भरिभराउ यात्रु बोकेर गन्तव्यतर्फ लागेका छन् ।
काठमाडौंका प्रमुख जिल्ला अधिकारी कालिप्रसाद पराजुलीले सोमबार दुई दिन यात्रुलाई घर जाने समय दिएको बताएसँगै आज बिहानैदेखि नयाँ बसपार्कमा घर जान यात्रुहरुको भीड लागेको हो ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८