पछिल्लो २४ घण्टामा ६७१६ जना कारोनामुक्त, १४५ को मृत्यु , ६७१४ मा भाइरसको संक्रमण पुष्टि

काठमाडौँ, जेठ १२ । पछिल्लो २४ घण्टामा नेपालमा थप ६७१६ जना कोरोना संक्रमित निको भएका छन् भने १४५ जना कोरोना संक्रमितको मृत्यु भएको छ ।

यस्तैपछिल्लो २४ घण्टामा थप ६७१४ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा मृत्यु भएका र २४ घण्टामा प्राप्त भएका विवरणहरु गरी जम्मा १४५ जना कोरोना संक्रमितको मृत्यु भएको हो ।

मन्त्रालयका अनुसार सीसीएमसी, नेपाली सेनाद्वारा कोभिड १९ को शव व्यवस्थापन तथ्यांकको आधारसहित सो संख्यामा मृतक थपिएका हुन् ।

यो सँगै हालसम्म कोरोनाले ज्यान गुमाउनेको संख्या ६ हजार ८४५ पुगेको मन्त्रालयले जानकारी दिएको छ ।

१९ हजार ३० जनाको पीसीआर गर्दा ६६७७ जनामा र ३२२ जनाको एन्टिजेन ३७ जनमा कोरोना भाइरसको संक्रमण पुष्टि भएको हो ।