पछिल्लो २४ घण्टामा देशभर ३,०७५ जनामा संक्रमण पुष्टि

भदौ ३ । पछिल्लो २४ घण्टामा देशभर ३०७५ जनामा कोरोनाभाइरस संक्रमण पुष्टि भएको छ । १६ हजार ४३८ जनाको परीक्षण गर्दा ३ हजार ७५ जना कोरोना संक्रमित थपिएका हुन्।

यससँगै देशभर सक्रिय संक्रमितको संख्या ४० हजार नाघेको छ । स्वास्थ्य तथा जनसंख्या मन्त्रालयका अनुसार बिहीबार सक्रिय संक्रमितको संख्या ४० हजार ५०० पुगेको हो ।

स्वास्थ्य तथा जनसंख्या मन्त्रालयले दिएको जानकारी अनुसार गत २४ घण्टामा २ हजार १२६ जना निको भएर घर फर्केका छन्।

गएको २४ घण्टामा ३३ जनाको कोरोनाका कारण ज्यान गएको छ। मन्त्रालयका अनुसार बिहिबारसम्म संक्रमणका कारण मृत्यु हुनेको संख्या १० हजार ४२९ पुगेको छ ।

हाल सक्रिय संक्रमित ४० हजार ५ सय जना रहेका छन् ।संक्रमितमध्ये ७३९ जना आईसीयू र १६८ जना भेन्टिलेटरमा रहेका छन् ।

मन्त्रालयका अनुसार गत २४ घण्टामा ११ हजार ९४६ पीसीआर परीक्षण गर्दा २ हजार ३२१ जनामा कोरोना संक्रमण पुष्टि भएको छ। यस्तै ४ हजार ४९२ परीक्षण गर्दा ७५४ जनामा एन्टिजेनमा पोजेटिभ देखिएको छ।