पछिल्लो २४ घण्टामा थप २८६ जनामा कोरोना भाइरस संक्रमण पुष्टि

भदौ ५ । देशभर पछिल्लो २४ घण्टामा थप २८६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको अपडेट अनुसार ३४२३ जनामा परीक्षण गर्दा २८६ जनालाई कोरोना संक्रमण पुष्टि भएको हो ।

त्यस्तै १८१६ नमुनाको पीसीआर परीक्षण गर्दा २०२ जनामा र १६०७ नमुनाको एन्टिजेन परीक्षण गर्दा ८४ जनामा कोरोना संक्रमण पुष्टि भएको मन्त्रालयले जानकारी दिएको छ ।

त्यसैगरी पछिल्लो २४ घण्टामा ४७९ जना संक्रमित निको भएका छन् ।

योसँगै सक्रिय संक्रमितको संख्या ४ हजार ३४८ पुगेको छ । त्यसैगरी पछिल्लो २४ घण्टामा कोरोना संक्रमणबाट कसैको मृत्यु नभएको मन्त्रालयले जनाएको छ । कोरोना संक्रमणबाट अहिलेसम्म नेपालमा ११ हजार ९९२ जनाको मृत्यु भएको छ ।