एनसेल बिवाद प्रकरणको अध्ययन गर्न उच्चस्तरीय समिति गठन

२१ मंसिर। सरकारले बहुप्रतिक्षित कम्पनी एनसेलको ८० प्रतिशत हिस्सा ओगटेको कम्पनीको शेयर खरिदबिक्रीबारे अध्ययन गर्न उच्चस्तरीय समिति गठन गरेको छ ।

आजको मन्त्रिपरिषद बैठकले पूर्वमहालेखा परीक्षक टंकमणि शर्माको संयोजकत्वमा पाँच सदस्यीय समिति गठन गरेको सरकारको प्रवक्ता रेखा शर्माले जानकारी दिइन् ।

समितिमा सचिव फणिन्द्र गौतम, बाबुराम भण्डारी, रितेश कुमार शाक्य र आइक्यानका अध्यक्ष सुजन कुमार काफ्ले लगायत छन् । यस समतिको गठनले एनसेल घोटला प्रकरणको वास्तविकता बाहिर ल्याउन सकिन्छ की भन्ने विश्वास बढेको छ ।