ब्याज घटाउँदै स्टयान्डर्ड चार्टर्ड बैंक

काठमाडौं । स्टयान्डर्ड चार्टर्ड बैंकले ब्याजदर घटाएको छ । बैंकले पुस १ गतेबाट लागू हुने गरी ब्याजदर घटाएको हो । बैंकले पुसमा मुद्दति निक्षेपमा व्यक्तिगत तर्फ ८।५६ प्रतिशतसम्म ब्याज दिने भएको छ भने मुद्दति निक्षेपको तर्फको न्यूनतम ब्याज ५ प्रतिशत रहेको छ । बैंकले हालसम्म ८।९७ प्रतिशतसम्म ब्याज दिँदै आएको छ । बैंकले संस्थागत निक्षेपमा ४।७५ प्रतिशत ब्याज दिने उल्लेख गरेको छ ।

बैंकको पछिल्लो आधारदर ७।८४ प्रतिशत रहेको छ । यसका साथै बैंकबाट कर्जा लिँदा अधिकतम १२।८४ प्रतिशत ब्याज तिर्नुपर्ने जनाएको छ । यसअघि एनआईसी एशिया, कुमारी, एनएमबि लगायत बैंकलेहरुले पनि ब्याजदर घटाएका छन् ।