शुरु भयो अन्तर्राष्ट्रिय बक्सिङ प्रतियोगिता

काठमाण्डौ । हालै मलेसियाको पेनाङमा सञ्चालन भइरहेको ३४औँ अन्तर्राष्ट्रिय बक्सिङ प्रतियोगितामा नेपालको तर्फबाट छिरिङ वाङ्दी शेर्पा र प्रबल उप्रेती फाइनलमा प्रवेश गरेका छन् । यसका साथै कम्तीमा दुई रजत पदक नेपालको पक्का भएको छ।

पुरुष ५१ केजी तौल समूहमा प्रबलले इन्डोनेसियाका हसान बिन अजानलाई ५–० अङ्कको आधारमा पराजित गरी फाइनलमा प्रवेश गरेका हुन् । पुरुष ५७ केजीमा छिरिङले सिङ्गापुरका अब्दुल वाफी बिन इड्रिसलाई तेश्रो राउन्डमा आरएससीका आधारमा हराउँदै फाइनल स्थानलाई हात पारेका हुन् ।

पुरुष ५४ केजीमा सिंहवीर लिम्बु तथा ६० केजीमा शुलभ माली सेमिफाइनलमै रोकिएपछि कास्यमै सीमित भएका हुन् ।