एसिया कप क्रिकेटको उपाधि बंगलादेशलाई

काठमाण्डौ । एसीसी १९ वर्षमुनिको एसिया कप क्रिकेटको उपाधि बंगलादेशले हात पारेको छ । आयोजक टोली यूएईलाई १ सय ९५ रनले हराउँदै बंगलादेशले यो उपाधि जितेको हो ।

दुबईमा बंगलादेशले दिएको २ सय ८३ रनको लक्ष्य पछ्याएको यूएई २४ ओभर पाँच बलमा ८७ रन बनाउँदा अलआउट भएको हो । उसका लागि ध्रुव परासरले सर्वाधिक २५ रन बनाए भने बंगलादेशका मरुफ मृधा र रोहनत दुल्लाह बोर्सोनले ३र३ विकेट लिएका थिए ।

यसअघि पहिले ब्याटिङ गरेको बंगलादेशले अशिक रहमान शिब्लीको शतक मद्दतमा २ सय ८२ रन बनाएको थियो । बंगलादेशले भारतलाई र यूएईले पाकिस्तानलाई हराएर फाइनलमा पुगेका थिए । प्रतियोगितामा नेपाल भने समूह चरणबाटै बाहिरिएको थियो ।