भारतले पठायो पेट्रोलियम पदार्थको नयाँ खरिद मूल्य

काठमाडौं । इण्डियन आयल कर्पोरेशनले आइतबार नयाँ खरिद मूल्य पठाएको छ । पेट्रोलको मूल्यमा प्रतिलिटर ४१ पैसाले वृद्धि भएर आएको छ ।

यस्तै, डिजेलको मूल्य प्रतिलिटर १२ पैसा र खाना पकाउने एलपी ग्यासको मूल्य प्रतिसिलिण्डर २० पैसाले घटेर आएको जनाइएको छ ।

नेपाल आयल निगमले पेट्रोलियम पदार्थको मूल्य यथावत राखेको छ । निगम पेट्रोल, डिजेल मट्टीतेल, हवाई इन्धन र एलपी ग्यासको खुद्रा बिक्री पनि यथावत राख्ने निर्णय गरेको छ ।