सुकेको प्याज, लोकल गाजर र च्याउको भाउ बढ्यो, अन्यको कति छ? (सूचीसहित)

काठमाडौँ। कालीमाटी फलफूल तथा तरकारी बजार विकास समितिका अनुसार आज सोमबार सुकेको प्याज (भारतीय), लोकल गाजर र च्याउको भाउ बढेको छ भने ज्यापु काउली, मटरकोशा र कुरीलोको भने भाउ घटेको छ ।

यसअघि प्रतिकेजी ७६ रुपैयाँ तोकिएको सुकेको प्याजको भाउ बढेर आज ७७ रुपैयाँ ५० पैसा पुगेको छ भने लोकल गाजर ३५ रुपैयाँ रहेकोमा ३७ रुपैयाँ ५० पैसा कायम भएको छ ।

यसैगरी, ज्यापु काउली प्रतिकेजी ४५ रुपैयाँ रहेकोमा आज घटेर ४० रुपैयाँ रहेको छ भने मटरकोशा प्रतिकेजी ११५ रुपैयाँ ३३ पैसा रहेकोमा आज घटेर ९० रुपैयाँमा झरेको छ ।

साथै, कन्य च्याउ प्रतिकेजी १० रुपैयाँ बढेर १४० रुपैयाँ पुगेको छ भने डल्ले च्याउ २५ रुपैयाँ महँगो भएको छ। यसअघि प्रतिकेजी ३०० रुपैयाँ रहेको डल्ले च्याउको भाउ बढेर आज ३२५ रुपैयाँ पुगेको हो । त्यस्तै, कुरीलो भने सस्तिएको छ । यसअघि प्रतिकेजी १७ सय ६६ रुपैयाँ ६७ पैसा रहेको कुरीलो आज १७ सय ५० रुपैयाँ रहेकाे छ।