सुनको मूल्यमा गिरावट, कतिमा कारोबार हुँदैछ आज?

काठमाडौं। हिजो (सोमबार) रेकर्ड कायम गरेको सुनको मूल्य आज (मंगलबार) भने घटेको छ।

नेपाल सुन–चाँदी व्यवसायी महासंघका अनुसार मंगलबार छापावाल सुन प्रतितोला ४०० रुपैयाँले घटेर १ लाख ३१ हजार २०० रुपैयाँ कायम भएको छ।

यसैगरी, तेजावी सुनको मूल्य तोलाको १ लाख ३० हजार ५५० रुपैयाँ कायम भएको छ। यसअघि हिजो (सोमबार) छापावाल सुन हालसम्मकै उच्च तोलाको १ लाख ३१ हजार ६०० रुपैयाँमा कारोबार भएको थियो।

यसका साथै, तेजावी सुनको मूल्य तोलाको १ लाख ३० हजार ९५० रुपैयाँ निर्धारण भएको थियो।

त्यसैगरी, आज चाँदीको भाउ पनि प्रतितोला १० रुपैयाँले बढेर १५ सय ४५ रुपैयाँ कायम भएको छ। सोमबार चाँदीको भाउ प्रतितोला १५ सय ३५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।