काउली र प्याजको भाउ बढ्यो, अन्य तरकारी तथा फलफूलको भाउ कति?

काठमाडौँ।  आज कालीमाटी बजारमा सुकेको प्याज, स्थानीय ज्यापु काउली र कन्य च्याउको भाउ बढेको छ भने डल्ले च्याउको भाउ घटेको छ।

कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार यसअघि प्रतिकेजी ८० रूपैयाँ ६० पैसा रहेको सुकेको प्याजको भाउ बढेर ८२ रूपैयाँ पुगेको छ।

त्यस्तै, स्थानीय ज्यापु काउली प्रतिकेजी ६५ रूपैयाँ रहेकोमा आज बढेर ७६ रूपैयाँ ६७ पैसा र कन्य च्याउ १६० रूपैयाँबाट बढेर १७२ रूपैयाँ पुगेको छ। यता, डल्ले च्याउको भाउ भने प्रतिकेजी ४८ रूपैयाँले घटेको छ। यसअघि प्रतिकेजी ४ सय रूपैयाँ रहेको डल्ले च्याउको भाउ घटेर आज ३५२ रूपैयाँ रहेको मूल्यसूचीमा उल्लेख छ।