बारा, सिमरा/अशोज १६
जितपुर सीमरा उपमहानगरका उपप्रमुख भोला अधिकारीले धेरै सहकारी मध्ये केही सहकारीले सम्रग सहकारी क्षेत्रलाई नै बदनाम हुनेगरी वा असफल बनाउन खोजेको बताएका छन् ।
जितपुर सीमरा १४,रजघट्टा स्थित सप्तरंगी बचत तथा ऋण सहकारी संस्थाको ११ औँ वार्षिक साधारण सभा कार्यक्रममा बोल्दै उपप्रमुख अधिकारीले सहकारी माथी उपमहानगरको निगरानी हुनु जरुरी भएको बताएका छन् । ‘लेखा परिक्षण प्रतिवेदनले ऋण असुली तर्फ विशेष ध्यान दिनु भनेकोले सदस्यहरु समयमै ऋण बुझाएर नियमअनुसार गर्दिनु भयो भने संस्था अरु कुरामा राम्रो छ’ उपप्रमुख अधिकारी भने ।
उपप्रमुख अधिकारीको प्रमुख आतिथ्यतामा साकोसले शनिवार संस्थाको ११ औ वार्षिक साधारण सभा सम्पन्न गरेको हो । सो संस्थामा एकहजार ३ सय ९४ महिला र १ हजार ४ सय ९० पुरुष गरी २ हजार ८ सय ८४ शेयर सदस्य रहेको सहकारीले १० करोड ४८ लाख ४४ हजार ३ सय ३१ को आर्थिक कारोवार गरिहेको सप्तरंगी साकोसका अध्यक्ष राजुप्रसाद अधिकारीले जानकारी दिएका छन् ।
कार्यक्रममा सप्तरंगी समाज सेवा पुरस्कारबाट श्यामप्रसाद भट्टराई र सञ्चारकर्मी शारदा पोख्रेललाई नगदसहित सम्मान पत्र र दोसल्ला ओढाइ सम्मान गरिएको छ । कार्यक्रममा संविधान सभा सदस्य जयराम दाहाल, बारा जिल्ला बचत तथा ऋण सहकारी सँघका अध्यक्ष सतेन्द्र ठाकुर, जीतपुरसिमरा उपमहानगरपालिका वडा नं १४ का वडाध्यक्ष चयन गुरुंङ,
वडा नं १६ का वडाध्यक्ष हरिदेव खरेल, वडा नं ११ का विन्दा लाल साह, वडा नं १२ का श्यामबाबु खाँ, सानाकिसान कृषि सहकारी संस्था फत्तेपुरका अध्यक्ष जय किशन चौधरी, डुमरवाना दुग्ध उत्पादक सहकारी संस्थाका व्यवस्थापक सन्तोष भुजेल, हातेमालो बचत तथा ऋण सहकारी संस्था का कोषाध्यक्ष बरुण गौतम,
घण्टीमाइ बचत तथा ऋण सहकारी संस्था औराहाका सचिव भवन खड्का लगायतको उपस्थिति रहेको कार्यक्रममा यानबहादुर श्रेष्ठलाई उत्कृष्ट कारोवारकर्ताका रुपमा प्रशंसा पत्र र ८० वर्षीय तेजबहादुर बस्नेतलाई जेष्ठ नागरिक भनि सम्मान प्रदान गरिएको थियो ।
त्यस्तै उत्कृष्ट वचत कर्ता लक्ष्मी भट्ट र उत्कृष्ट दैनिक वचतकर्ता शेष अयुवलाई प्रशंसा पत्र प्रदान गरिएको थियो । कार्यक्रममा संस्थाका सदस्य स्वर्गीय दिलबहादुर भट्टराईकी श्रीमति संगीता भट्टराईलाई २५ हजार नगद राहत उपलब्ध गराइएको थियो ।
संस्थाका सचिव रामबहादुर चौधरीले सञ्चालन गरेका हुन् भने कार्यक्रममा संस्थाका उपाध्यक्ष शोभा के सीले स्वागत मन्तव्य व्यक्त गरेका थिए ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८