सडक कालोपत्रे गर्नुपर्ने माग गर्दै स्थानीयद्धारा विरोध प्रदर्शन, तिवारी टोल क्षेत्रवाट सवारी आवत जावत बन्द

पुस ५ । काठमाडौंको साँखु–चावाहिल सडक अन्तर्गत कागेश्वरी मनोहरा नगरपालिका वडा नं ६ ,मुलपाली तिवारीटोल खण्डमा सडक कालोपत्रे गर्नुपर्ने माग गर्दै स्थानीयले विरोध प्रदर्शन गरेका छन् । आज मंगलवार विहान साढे ७ वाट विविरोध प्रदर्शन गरिएको हो। विविरोध प्रदर्शनका कारण चावाहिल–साँखु सडक खण्डमध्ये तिवारी टोल क्षेत्रवाट सवारी आवत जावत बन्द भएको छ ।
वर्षौंदेखि सडक खनेर अलपत्र अवस्थामा छाडिएपछि सडक कालोपत्रेको माग गर्दै आन्दोलनमा उत्रिएको स्थानियवासीले जानकारी दिएका छन । बाटो कालोपत्रे नभएका कारण हिउँदमा धुलो र वर्षामा हिलोले स्थानीय हैरान हुने गरेका कारण सो समस्या समाधान हुने निश्चित नभएसम्म विरोध जारी राख्ने स्थानियवासीको भनाई छ । वर्षौंदेखि यहाँको सडक अलपत्र अवस्थामा छोडिएको छ । वाटो पिच गर्नु पर्ने बिषय लाई कागेश्वरी मनोहरा नगरपालिका ले गम्भिर रुपमा लिएको छैन आफ्नो क्षेत्राधिकार बाहिरको बाटो भनेर नगरपालिका पन्छिने गर्दछ । नगरपालिकाले आफ्नो नगरभित्रको बाटोको जिम्मा लिनुपर्छ भनेर पन्छिने काम गर्नु नहुने स्थानिय युवा शिव काफ्ले वताउछन ।
चावाहिल–साँखु सडक खण्डमध्ये तिवारी टोल क्षेत्रमा झन्डै ५०० मिटर कच्ची अवस्थामा रहेको छ । बाटो कालोपत्रे नहुँदा हरेक वर्ष सो खण्डमा स्थानीयले सास्ती भोग्दै आएका छन् । बाटोमा उडेको धुलोको कारण स्थानिय जनतामा रुघाखोकी , जरो , टन्सिल जस्ता रोग देखा परेका छन् । दैनिक झण्डै सयको संख्यामा सवारी साधन लड्ने गरेको नवदिप टोल सुधार समितिका अध्उक्ष डवल गूरुड वताउछन् ।