बि.पी.भट्ट सिमरा । बाराको सिमरामा सञ्चालित हातेमालो बचत तथा ऋण सहकारी संस्था लिमिटेडको १६औं वार्षिक साधारण शनिवार सम्पन्न भएको छ । सिमरा स्थित थानीमाई वन उपभोक्ता समितिको सभाहलमा आयोजित साधारण सभाको उद्घाटन बारा क्षेत्र नं.४ का प्रतिनिधि सभासदस्य एवं पूर्वमन्त्री कृष्णकुमार श्रेष्ठ किसानले गर्नुभएको थियो ।
प्रमुख अतिथी श्रेष्ठले कार्यक्रमलाई सम्बोधन गर्दै हातेमालो साकोसले सिमराको पहिचानमा मद्दत गरेको बताए । मधेश प्रदेशमा सर्वोत्कृष्ट सहकारीको पहिचान बनाएको हातेमालो साकोसले रोजगारी सिर्जना गर्ने कार्यक्रम सञ्चालन गर्न आवश्यक रहेको प्रतिक्रिया दिए । जीतपुरसिमरा उपमहानगरपालिकाले जारी गरेको सहकारी ऐन तथा नियमावलीमा शिक्षकहरु सहकारीको कार्यसमितीमा बस्न नपाउने ब्यवस्था भएकोमा त्यसलाई परिर्वतन गर्दै लैजानु पर्ने बताए ।
सहकारी सहकारी बिचको मर्ज आजको आवश्यकता रहेकोले बारामा हातेमालो साकोसले यसको नेतृत्व लिनु पर्नेमा प्रमुख अतिथी श्रेष्ठको भनाई थियो ।
करिब ४ हजार सेयर सदस्य रहेको संस्थाले अहिले ६६ करोड रुपियाँको कारोबार गरेको संस्थाका अध्यक्ष यज्ञ बहादुर आलेले बताउनुभयो ।
उद्घाटन कार्यक्रममा निवर्तमान मधेश प्रदेश सभा सदस्य देवनारायण चौधरी, प्रदेश सभाका पूर्व सदस्य सुन्दर विश्वकर्मा, सीता गुरुङ, जीतपुरसिमरा उपमहानगरपालिकाका नगर प्रमुख राजन पौडेल, पूर्व प्रमुख कृष्ण पौडेल, उपप्रमुख भोलाप्रसाद अधिकारी, नेपाल बचत तथा ऋण केन्द्रीय सहकारी संघ (नेफ्स्कुन) का केन्द्रीय संचालक हरेराम पटेल, नगर उद्योग वाणिज्य सँघका अध्यक्ष मोहन शर्मालगायतले मन्तव्य राख्नुभएको थियो ।
जीतपुरसिमरा उपमहानगरपालिका वडा नं. ३ का वडाध्यक्ष ताराबहादुर कार्की, वडा नं १६ का वडाध्यक्ष हरिदेव खरेल, नेकपा एमालेका प्रदेश सदस्य मनोज पौडेल, नेपाली काँग्रेसका नगर समिति सभापति छवी शर्मा, नेकपा माओवादीका नगर अधयक्ष प्रेम बराल, जनकल्याण सकोसका अध्यक्ष कमला घिमिरे, सिमरा महिला साकोसका काोषध्यक्ष गीता शर्मालगायत विभिन्न राजनीतिक दलका प्रतिनिधि, संघसंस्थाका प्रतिनिधि, सहकारी क्षेत्रका प्रतिनिधि, शेयर सदस्यको उपस्थिती रहेको थियो ।
कार्यक्रमको सञ्चालन संस्थाका सचिव दीपक भट्टले गर्नुभएको थियो भने बरिष्ठ उपाध्यक्ष संजय साहले स्वागत मन्तब्य रार्ख्नुभएको थियो । कार्यक्रममा विभिन्न विद्यालयका छात्रछात्राको सांगीतिक प्रस्तुतीसमेत रहेको थियो ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८