जीतपुरसिमराका प्रथम नगरप्रमुख डा. पौडेल मृत फेला,घटनाको थप विवरण आउन बाँकी

सिमरा । बाराको जीतपुरसिमरा उपमहानगरपालिकाको पुर्ब नगरप्रमुख डा.कृष्ण पौडेल आफनै घरमा मृत फेला परेका छन् । पौडेल जीतपुरसिमरा उपमहानगरपालिका वडा नं.२ स्थित रहेको आफ्नै घरमा मृत फेला परेका हुन् ।

प्रहरीको टोलीले घटनास्थल तथा मृत शवको अनुसन्धान गरी राखेको छ । प्रहरीले परिवार सदस्यहरु र जनप्रतिनिधी बाहेक अन्य कसैलाई पौडेलको घरमा प्रवेश गर्न दिएको छैन । असामायिक निधनको खवर सुनेर घटनास्थलमा शुभचिन्तकहरुको भिड लागेको छ ।

पौडेलको के कती कारणले मृत्यु भएको खुलेको छैन । सहकारी अभियान्ता समेत रहेका पौडेल नेकपा एमालेबाट २०७४ सालको स्थानीय तहको निर्वाचनमा निर्वाचित भई जीतपुरसिमरा उपमहानगरपालिकाको प्रथम मेयर बन्नु भएको थियो ।

एमालेको प्रष्ट बहुमत आउन नसकेको र २४ वडाबाट मिश्रित परिणाम आएपछि पोडेलले अल्पमत परेका थिए । पौडेलको हृदयघातको कारण मृत्यु भएको हो की अन्य कारणले मृत्यु भएको हो अझैं पुष्टि हुन सकेको छैन । प्रहरीले घटनास्थलमा अनुसन्धान गरी राखेकोले घटनाको थप विवरण आउन भने बाँकी छ ।