आज सुनको मूल्यमा नयाँ रेकर्ड, अब तोलाको १ लाख २७ हजार ९०० रुपैयाँ

काठमाडौं। सुनको भाउले बिहीबार (चैत १५ गते) नयाँ रेकर्ड कायम गरेको छ। नेपाल सुन–चाँदी व्यवसायी महासंघका अनुसार बिहीबार छापावाल सुनको मूल्य प्रतितोला ११ सय रुपैयाँले बढेर १ लाख २७ हजार ९०० रुपैयाँ कायम भएको छ।

त्यसैगरी, तेजावी सुन तोलाको १ लाख २७ हजार ३०० रुपैयाँ कायम भएको छ। यसअघि चैत ८ गते छापावाल सुन तोलाको १ लाख २७ हजार ८०० रुपैयाँमा कारोबार भएको थियो। यसका साथै, तेजावी सुन तोलाको १ लाख २७ हजार २०० रुपैयाँमा कोरोबार भएको थियो।

यता, आज चाँदीको भाउ पनि प्रतितोला २० रुपैयाँले बढेर १५ सय १० रुपैयाँ कायम भएको छ । बुधबार चाँदीको भाउ प्रतितोला १४ सय ९० रुपैयाँमा स्थिर रहेको थियो।