टीकापुर । टीकापुर नगरपालिकाका पेट्रोलमा कालोबजारी बढ्न थालेको छ । लकडाउनको बेला पेट्रोल पम्प प्रहरीको निर्देशनमा दुइतिन दिनको एकपटक खुल्न थालेपछि गाउँघर तिर पेट्रोलमा कालोबजारी बढेको हो ।
प्रहरीले अत्यावश्यकलाई मात्र भन्दै पेट्रोल दिने गरेको भएता पनि सर्वसाधारणले पनि पेट्रोल भर्ने र तिमध्ये केहिले गाडीबाट पेट्रोल निकालेर पम्पमा भन्दा दोब्बर मुल्यमा बेच्न थालेका छ । टीकापुर नगरपालिका वडा नम्बर १ स्थित भगरैयाका एक स्थानीय व्यवसायी पम्पबाट पेट्रोल भराएर घरमा दोब्बर मुल्य १८० मा पेट्रोल बेचिरहेको पाइएको छ, यसको प्रमाण नै हामीले प्राप्त गरेका छौं । यो त एक उदाहरण मात्र हो । कतै १५० मा त कतै १६० मा बोतलमा पेट्रोल हालेर दिने गरेको पाइन्छ ।
अत्यावश्यक मानिने स्वास्थ्यकर्मी, सञ्चारकर्मी र कर्मचारीलाई पेट्रोल हाल्ने भनेर प्रहरीकै निगरानीमा पम्प खोलेर पेट्रोल हाल्ने काम हुदा पनि कुनै पत्र वा मापदण्ड नहुदा जस्को शक्ति उसकै भक्ती भनेनुसार अत्यावश्यक भन्दा अरु अगाडी गएर पेट्रोल हाल्ने र पेट्रोल सकिएपछी स्वास्थ्यकर्मीहरु रित्तै फर्किनुपर्ने अवस्था रहेको छ ।
आइतबार टीकापुर बसपार्कको बम ब्रदर्श पेट्रोल पम्पमा पेट्रोल हाल्न गएकी जानकी गाउँपालिकाका एक स्वास्थ्यकर्मीले लाइनमा बस्दाबस्दा अन्तत पेट्रोल सकिएपछि फर्किनुपरेको गुनासो गरे । उनले यसरी अगाडी पेट्रोल हाल्नेहरु कालोबजारीमा पेट्रोल बेच्ने तर अत्यावश्यक मान्छेहरुलाई पेट्रोल नै नपाइने गरेको बताए । पेट्रोल सकिएपछि प्रहरीले अगाडी आउनपर्ने भन्दै आज (सोमबार) दिउँसो दुर्गौलीको पेट्रोल पम्पमा आउन भनेता पनि आज पेट्रोल नदिने भएर फर्काइएको गुनासो गरिन । मान्छेहरु दुर्गौली जय भवानी इन्टरप्राइजेजबाट सोमबार दिउँसो पेट्रोल दिने भनेपछी बिहानैदेखि भिडभाड हुनथालेपछि माथिबाटै पेट्रोल नहाल्न निर्देशन आएको भन्दै टीकापुर प्रहरीले सबैलाई घर फर्काएपछि स्वास्थ्यकर्मी र कर्मचारी मारमा परेका उनले बताए ।
कालोबजारीमा पेट्रोल हालेका दिपक तिरुवाले अत्यावश्यक भन्दै पेट्रोल पम्पमा भिड लगाएर पेट्रोल भर्ने र यसरी ब्ल्याकमा पेट्रोल बेच्नेलाई प्रहरीले कारबाही गर्नुपर्ने बताए । उनले पेट्रोल पम्पमा दयमाया देखाएर पेट्रोल हाल्ने काम भन्दा पनि अत्यावश्यक भएकालाई मात्र पेट्रोल हाल्नुपर्ने नत्र पेट्रोल पम्प खुल्ला गर्दिनुपर्ने माग गरेका छन् ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८