आज चाँदीको भाउ १५ रूपैयाँले घट्यो, सुन कतिमा करोबार हुँदैछ?

काठमाडौँ । आज (मङ्गलबार) नेपाली बजारमा सुनको मूल्य स्थिर रहेको छ भने चाँदीको मूल्य प्रतितोला १५ रुपैयाँले घटेको छ।

नेपाल सुनचाँदी व्यवसायी महासङ्घका अनुसार सोमबारको तुलनामा आज सुन यसअघिकै मूल्यमा कारोबार हुने भएको हो। आज छापावाल सुन प्रतितोला १ लाख १८ हजार ३ सय रुपैयाँ र तेजावी सुन १ लाख १७ हजार ७ सय ५० रुपैयाँ कायम भएको छ।

यता, चाँदी प्रतितोला १ हजार ३ सय ८० रुपैयाँ कायम भएको महासङ्घले जनाएको छ। यसअघि चाँदी प्रतितोला १ हजार ३ सय ९५ रुपैयाँमा कारोबार भएको थियो ।