आज तराई/मधेशमा होली पर्व मनाइँदै

काठमाडौँ। आज चैत १२ गते। फागु पूर्णिमा अर्थात् होली पर्व तराईका जिल्लामा हर्षोल्लासका साथ एक आपसमा रङ र लोला खेली आपसी सद्भाव साटेर मनाइँदै छ। हिजो आइतबार हिमाली एवं पहाडी जिल्लाहरूमा सो पर्व फागु पूर्णिमा (होली) मनाइएको थियो।

वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व असत्यमाथि सत्यको विजयको प्रतीक, पारिवारिक एवं सामाजिक एकताका रूपमा मनाउने प्रचलन रही आएको छ।